By Инфоњуз 
Вооружен напад бил спречен денеска во Тетово, благодарение на брзата интервенција на тетовската полиција, објави Тетова Сот.
Полициските сили веднаш излегле на терен и привремено го блокирале главниот пат во близина на кружниот тек познат во јавноста како „Мема“, со цел да го спречат инцидентот и да ја гарантираат безбедноста на граѓаните.
Од друга страна, Алсат дознава дека малолетник на околу 15 години од тетовското село Гајре, кој бил осомничен за убиство минатата година, при што биле повредени четири лица, го претепал својот сосед во кафеана во селото.
Осомничениот избегал од местото на настанот, а полициските патроли трагаат по него во селото и во градот.
Во меѓувреме, уапсени се две лица – мајката и сестрата на осомничениот. Тие биле приведени во рамки на потерата, додека нивниот син, односно брат, успеал да го напушти местото на настанот.
Двете уапсени жени се префрлени во болница на лекарски преглед, по што се очекува да бидат однесени во Полициската станица Тетово.