Извозев повеќе од милион километри, а ова е првпат да доживеам ваква трагедија, вели возачот на камионот за несреќата со навивачите од Паок

Седум млади фанови на PAOK го загубија животот во сообраќајна несреќа што се случи во вторник на автопатот DN6 кај Темишвар, Романија. Камионот со кој се судрија фановите се движел од спротивен правец на патот, кој локалното население го нарекува „пат на смртта“. Според романските медиуми, ова е најтешката сообраќајна несреќа во регионот во последните две децении.

Возачот на камионот, Полјак со 34-годишно искуство во транспортот, изјави дека никогаш претходно не доживеал ваква трагедија и дека е во шок по несреќата.

Очевидец кој се движел два возила зад комби-то на фановите раскажува дека возачот на комби-то маневрирал и чекал точен момент за престигнување, но ситуацијата се развила трагично.