Се бара ОДЗЕМАЊЕ НА ИМУНИТЕТ НА ПРАТЕНИК ОД ЛЕВИЦА Јанчев по сообраќајката во која почина малолетник, а девојче беше повредено

Семејствата на двете деца вмешани во тешката сообраќајна несреќа кај селото Марино поднесоа барање до Собранието за одземање на имунитетот на пратеникот од Левица, Сашко Јанчев. Според нив, тоа е единствениот начин да се обезбеди целосна и непристрасна истрага.

Во несреќата беше тешко повреден 16-годишен мотоциклист, кој подоцна им подлегна на повредите, а неговата 13-годишна сопатничка преживеа со сериозни последици. Иако по настанот пратеникот бил приведен и му била одземена возачката дозвола, обвинение сè уште не е поднесено, што го зголемува револтот кај семејствата.

Тие велат дека не бараат привилегии – туку правда и одговорност. Собранието допрва треба да одговори на иницијативата.