By Инфоњуз 
Велешанецот Стојанче Клифов (48), кој пред 20 дена излегол од својот дом околу полноќ, сè уште не е пронајден.
Информацијата за ВИКИМЕДИА ја потврдија од Секторот за внатрешни работи Велес, од каде што информираат дека и натаму се преземаат мерки за негово пронаоѓање.
За исчезнувањето алармираше неговата сестра Наташа, која на 7 декември изјави дека случајот бил пријавен во полиција, а семејството побара и помош од јавноста, доколку некој го забележи Стојанче веднаш да ги извести надлежните институции.
Според нејзините зборови, Клифов е крупен човек, висок околу 1,83 метри, но семејството нема информација како бил облечен во моментот кога го напуштил домот.
Тој живеел со родителите, а последната позната информација е дека заминал со такси возило, кое го оставило во близина на „Жито Маркет“ во Велес. На таа локација му се изгубил и сигналот од мобилниот телефон.
Секој што има каква било информација за случајот се повикува да пријави во полиција.