By Info News 
Агенцијата за управување со одземен имот објави оглас за продажба на конфискувано земјиште од поранешниот директор на УБК, Сашо Мијалков, објави Фокус.
Станува збор за огромна парцела од 56.818 метри квадратни, која ќе се продава по почетна сума од 277.161 евра, или по 5 евра од квадрат. Овој имот беше одземен од Мијалков за случајот ,,Империја”, кој го застапуваше обвинителката Лиле Стефанова.
Земјиштето се наоѓа во Морани, Општина Студеничани, во местото викано Долно Поле.
Истиот имот неколку пати беше огласен за продажба и во 2023 година, но немаше заинтересирани купувачи. Тогаш почетната цена беше намалена за една четвртина, но очигледно продажбата не била успешна.
Според најновите законски измени, како купувач или закупувачи не можат да се јават ниту брачниот или вонбрачниот другар, роднина во прва линија или до четврти степен во странична линија на осуденото лице.
,,Како купувачи не можат да се јават ниту правни лица или одговорни лица или бранителот или правниот застапник на правното лице во кое осуденото лице од кое што е конфискуван или одземен имотот се наоѓа како сопственик на најмалку 25 отсто од сите акции или, пак, се наоѓа на раководна позиција во тоа правно лице”, е предвидено во новиот закон.
ChatGPT said:
Огласот останува отворен, а институциите очекуваат дека новите ограничувања ќе спречат какви било обиди имотот повторно да заврши кај лица поврзани со поранешниот сопственик.