Секунди делеле од трагедија: „Само што излеговме од колата, ѕидот падна“ – Сведоштво на велешанката чие возило беше згмечено во Штип

Вистинска драма се одвивала утринава пред Клиничката болница во Штип, кога свлечиште од земја урна дел од потпорниот ѕид врз паркирани возила. Меѓу оштетените е и автомобилот на Ката Крстевска од Велес, која за влакно избегнала повреда.

„Само што го паркиравме возилото и тргнавме нагоре кон болницата, слушнавме силна врева. Кога се свртевме – страшно! Среќа е што сме живи и здрави, лимот ќе се поправи“, изјави Крстевска, која во Штип дошла на медицински преглед, додека солзи ѝ се спуштаа низ лицето.

Под урнатините завршија две возила – едно со велешки, а друго со скопски регистерски таблички.