By Инфоњуз 
Од Дубаи екстрадирано лице барано со потерница од македонската полиција.
Како што информираат од МВР, денеска од Дубаи во нашата земја бил екстрадиран Флорим Лимани (33), кој бил баран со меѓународна потерница за издржување затворска казна од три години и шест месеци за сторено кривично дело „недозволено изработување, држење и тргување со оружје или распрскувачки материи”, казниво по чл. 396 ст.1 од КЗ.
Од МВР нагласија дека ова е прва реализирана екстрадиција на лице од Обединетите Арапски Емирати, кое нашата држава го бара со меѓународна потерница.