By Инфоњуз 
На лидерската средба во Клубот на пратеници, големо внимание привлече градоначалникот на Тетово и лидер на БЕСА, Биљал Касами, кој пристигна со луксузно BMW вредно над 100.000 евра. Овој потег предизвика лавина реакции на социјалните мрежи.
Од таборот на Касами објаснуваат дека возилото не е негово, туку било позајмено бидејќи службеното автомобил било во дефект. Според информации од „Фокус“, BMW‑то е во сопственост на негов роднина, чие семејство има компанија со годишен раст на приходите и добивката.
Касами пријавил во Антикорупциска комисија дека неговото лично возило е Мерцедес од 2007 година, значително поевтино од BMW‑то што го користел на средбата. Поставени се официјални прашања до Општина Тетово и компанијата на роднината за користењето на возилото, а одговорите ќе бидат објавени штом пристигнат.
Случајот потсетува на инцидентот од 2023 година кога вицепремиерот Артан Груби се појави со возило во сопственост на пријател, предизвикувајќи слични реакции.