Не тргнувајте кон Бит Пазар и Чаир: Прославата на албанското знаме направи хаос во сообраќајот

Поради одбележувањето на Денот на албанското знаме, попладнево сообраќајот во Чаир е значително отежнат, а дел од улиците кон Бит Пазар речиси се блокирани. Според сведоштва на граѓани, движењето е возможно само во лентата што е оставена за дефилето, додека останатите ленти и околните улици се преполни со возила, што создава големи застои и ограничено движење.

Колоните, придружувани од полиција, се движат од пред Општина Чаир кон плоштадот Скендер-бег.

Денес се одбележува Денот на албанското знаме во Албанија, како и меѓу Албанците низ регионот и дијаспората. Празникот традиционално се прославува со културни настани и официјални манифестации.