By Инфоњуз 
Викендов, во неделата на 23 ноември, во црквата „Богородица“ во Скопје се одржа необична групна венчавка. Настанот бил организиран за постари брачни парови кои, поради различни причини, во минатото не успеале да стапат во црковен брак. Храмот се потрудил да го направи овој чин повозвишен, со сите традиционални црковни ритуали, пишува Религија.мк.
Меѓутоа, во последен момент се случила неочекувана сцена — еден од младоженците исчезнал пред почетокот на церемонијата.
Присутните веднаш забележале дека го нема, по што венчавката кратко била одложена додека траела потрагата. Среќна околност е што младоженецот наскоро бил пронајден и вратен во црквата, па церемонијата продолжила како што било планирано.