By Info News Mk 
Во вечерната емисија „Код“ на Телма беа откриени детали за случајот со марихуаната фатена во Србија, во Коњух, која била транспортирана од Македонија. Според „Код“, дрогата била внесена во Србија во камион деклариран како „квалитетни лесни македонски перници од Прилеп“ наменети за Манчестер, Англија.
Меѓутоа, наместо перници, во камионот имало 200 кутии по 6 килограми марихуана, натоварени на паркинг кај Свети Николе. Доставата била организирана од повеќе возила на компанијата Алфафарм, без полициска придружба. Перниците биле претоварени во друг камион, додека првиот бил натоварен со кутиите марихуана. Возач на камионот бил Александар Ивановски, кој сега е притворен.
Превозот на камионот се случил на преминот на Стара Нова Година, ноќта меѓу 13 и 14 јануари. Марихуаната била пакувана во двојно најлонско пакување за да се намали мирисот и да не го привлече вниманието на кучињата трагачи на граница.
Според истрагата, во декември 2025 година, вработени во Алфафарм добиле наредба да спакуваат над 8.800 килограми канабис донесен од фабрики во Струмица. Работниците ја завршиле задачата за две недели, а потоа биле испратени на колективен одмор.
Никој не ја проверил марихуаната детално на граница, и транзитот бил организиран така што дрогата била претставена како „перници“.