By Info News Mk 
Редакцијата на „Слободен печат“ ги отфрла наводите од таканаречениот „демант“ на ЈЗУ Универзитетска клиника за гинекологија и акушерство (ГАК) во врска со истражувачкиот текст на новинарката Мирослава Симоновска, насловен „Скандал на ГАК: Сомнителна смрт на бебе скриена од семејството – педијатарка го реинтубирала 20 минути“.
Во демантот се тврди дека текстот е шпекулативен и упатува на лекарска грешка, како и дека новинарката ја следела сензационалноста на сметка на човечка трагедија. „Слободен печат“ реагира дека текстот е базиран на официјални документи и информации од Комисијата за квалитет на ГАК, а новинарката беше единствената што го информираше таткото за истрагата.
Документите покажуваат дека Комисијата утврдила дека интубацијата траела 20 минути, предизвикувајќи повреди и компликации кај бебето, спротивно на тврдењата во демантот дека „пропуст не е утврден“. Дополнително, потврдата до родителите содржи неточни податоци за состојбата на новороденчето и не го наведува сериозниот тек на реинтубацијата.
„Слободен печат“ нагласува дека ќе продолжи да ја заштитува јавната интерес и човековите права, и дека нема да ги открие своите извори дури ни на суд, истакнувајќи дека професионалното новинарство не смее да молчи пред неправилности, ниту да се крие зад институционални притисоци.