By Info News 
Вчера, по првото судско рочиште на турските државјани обвинети за убиство на 8 мај во Штип, се случил сериозен инцидент, пренесува ТВ Стар.
Маjката на еден од лицата обвинети за помагање во убиството прво влегла во расправија со полициска службеничка, која подоцна прераснала во физички напад.
Таа ја нападнала полицајката, влечејќи ја за косата и навредувајќи ја. На местото морале да интервенираат други полициски службеници, меѓу кои и припадници на специјалната единица што присуствувале на рочиштето.
Турската државјанка била приведена и со лисици однесена во полициска станица, каде што ќе се преземат соодветни постапки против неа.
Во Штипскиот суд започна судењето на турскиот државјанин Кадир Кара (21), обвинет за убиство на турски државјанин и за неовластено изработување и држење на оружје и експлозивни материи. Им се суди и на неговите четворица помагачи, меѓу кои и девојка со чие возило избегале по убиството.
Според обвинението, настанот се случил на 8 мај околу 21 часот во угостителски објект во Штип, каде што било пукано со пиштол кон Е. О. (25) од Турција, по што сторителот побегнал со возило. Повредениот бил однесен во Клиничката болница во Штип, каде што починал.